Saturday, September 15, 2007

ليشات رمضانية

ليش الصلال مو راضي ياخذ فلوس من بنته عشان دراسة بناته الباقين؟ يعني كرامته أهم من تعليم بناته؟
ليش عالية شعيب قاعدة تمثل؟ ملت من التدريس؟
ليش فيمتو بيتنا وايد حالي؟
ليش آنا ليلحين مو قادرة آضبط برنامج دريم ويفر على الوب سايت مالي؟
ليش فرح ما تحب اللحوم الحمرا؟ شايفة ألايف لما كانت صغيرة؟
ليش الكتب اللي طلبتها للكورس الأول ما وصلت لحد الحين؟
ليش الواحد مرات يحس بغلقة حزة المغرب؟
و أهم ليش فلسفية جننت قلوب العذارى و الغير عذارى: ليش الدياية عبرت الشارع؟

هذي مو فوازير رمضان. هذي ليشات رمضانية تراودني (حلوة هذي تراودني؟) وأنا ناطرة الفطور عشان مشتهية رهش.

وسلامتكم ومبارك عليكم الشهر